miércoles, 14 de enero de 2009

Kirol Telebista



Kirol Telebista kanalak, mogulus internet bidezko telebista sarearen barne, kirolei buruz jarduten du. Kanal honen asmoa, munduan zehar, askotarikoak diren kirol ezberdinak ezagutzera ematea litzateke. Telebista kanal honen sormenean parte hartu dugunok Gorka Cantera, Markel Arrayago, Gorka Henares eta Ander Fernandez gara.



Programazio gisa, Arrisku kirolak deritzaien kirol ezberdinen bideoak jaso ditugu(00:00:00 - 03:30:53) ikuslegoari erakusteko. Honetaz gain, Herri Kirolak(03:30:53-06:31:55), Tenisa(06:31:55 - 09:18:26) eta Saskibaloia(09:18:26 - 12:00:00) ere landu ditugu.

On Demand Programazioari dagokionez, gure pordukzio propioko kanalerako ongi etorria, eta programa bakoitzaren aurkezpena ekoiztu ditugu.

miércoles, 29 de octubre de 2008

TXAPA IRRATIA- BERGARA

BergarakoTxapa irratia,irrati libre gehienak bezala, 80.hamarkadan jaio zen,1984. urtean hain zuzen ere

Haseran herriko sindikatu batek utzitako lokalean hasi ziren emititzen beraien irratsaioak, eta 1989an udaletxearekin lortutako akordio baten ondoren, udalaren jabetzapeko lokal batera pasa zen emisio zentrua .Zabalotegiko dorretxearen azpiko kobazulora.

Urte guzti hauetan, hainbat jende ezberdin pasa da, mota guztietako programak egin direlarik: musika, kultura, ekologia, etabarri buruzkoak. Egun 27 irratsaiok egiten dute salto dialera emisora erabiliz, izaera ezberdineko irratsaioak, herriko eta inguruko talde eta kolektiboekin parte hartu dute, ez bakarrik irratsaioak eginez, baita ere kalean egindako ekitaldiekin. Adibidez, Arrasateko HIES Ekimena taldearekin egindako sentsibilizazio kanpainak, irrati libreen bilerak,... Txapa Irrati Kolektiboa da irratiaz arduratzen dena, baina ez da bere eginkizun bakarra. Gaur egun, Txapa Irratia Bergarako Gaztetxean dago kotatuta, autogestioa, autofinantzazioa eta burujabetza dira gestioko oinarriak.

Orain ere, irratia Bergarako herriari irekita dago, bertako jende, kolektibo eta taldeek beraien ideia, kezka eta proiektuak plazaratu ditzaten. Irratia pertsona moduan garatzeko ideiak kanporatzeko eta ondo pasatzeko erabiltzen dute.

martes, 28 de octubre de 2008

IKUS- ENTZUTEKOEN TOP 7A

Ikus- entzuteko komunikazioaren garapenerako garrantzitsuak diren web orrialde ugari aurkitu ditzakegu interneten. Ondoren, nire ustetan orrialde hauetatik garrantzitsuenak diren zazpiak komentatuko ditut. Aukeraketa nik gehien erabiltzen ditudanen arabera egin dut.

1.- Txapa Irratiaren web orrialdea (http://www.txapairratia.org/)

Niretzat garrantzitsuena den web orrialdea da, nire herriko irrati librearena delako. Bertan nire lagunek egiten dituzten irratsaioak entzun ditzaket, Bilboraino seinalea ez delako iristen. Gainera beste irrati kateek eskaintzen ez duten musika eskaintzen dute, “underground” musika delakoa eta talde desberdinak entzuteko aukera ematen dute.

Wikipediarako sarreratxoa:

Txapa Irrati librea 80.hamarkadan jaio zen, 1884.urtean hain zuzen ere, Bergarako herrian. Hasiera herriko sindikatu batek utzitako lokalean hasi ziren emititzen beraien irratsaioak, eta 1989an udaletxearekin lortutako akordio baten ondoren, udalaren jabetzapeko lokal batera pasa zen emisio gune zentrala. Gaur egun, Txapa Irratia Bergarako Gaztetxean dago kokatuta, autogestioa, autofinantzazioa eta burujabetza direlarik gestio oinarriak, eta mota guztietako irratsaioak egiten dira: musika, kultura, ekologia... Gainera, Arrosa proiektuari esker, beste irrati libre batzuetako irratsaioak entzun daitezke Txapa Irratiaren 97.20 dialean, besteak beste Tas-Tas eta Halabedi irratiak.

2.- MySpace-ren web orrialdea (http://www.myspace.com/)

Nire interneteko bisitetan faltatzen ez den orrialde bat da hau. Bertan orduak eta orduak eman ditzakezu ezagutzen ez dituzun musika talde berriak entzuten. Gainera talde bakoitzak beste talde asko ditu lagun lista batean, eta bertan klikatuz gero bere MySpace orrialdea ikus dezakezu eta bere musika, argazkiak eta bestelakoak ikusi. Talde berriak ezagutzeko benetan erabilgarria den tresna bat da, eta dagoeneko ia talde guztiek dute bere MySpace orrialdea.

Wikipediarako sarreratxoa:

MySpace web gunea elkar- ekintzarako orrialde bat da, zein banakako pertsonen perfilek osatzen duten. Bertan lagunen, taldeen, blogen, argazkien eta musikaren sareak aurkitzen ditugu, elkar komunikatzeko mezu zerbitzu batez gain. Tom Andersson izan zen guzti honen asmatzailea, baina gaur egun News Corporation da jabea. Ikerketa batzuk adierazi dutenez, MySpace sare guztian zehar gehien bisitatutako web orrien lista batean zazpigarren postuan aurkitzen da, eta ingelesez hitz egindako web guneen artean laugarren postuan.



3-Youtube-ren web orrialdea (http://es.youtube.com/)

Orrialde hau aski ezaguna da gaur egun. Bertan milaka bideo aurkitu ditzakegu, musika bideoetatik hasita politikarien hitzaldietaraino. Web gune interesgarria izan daiteke gure musika talde gustukoenen bideoak ikusteko edo barre batzuk egiteko mundu osoko txoroen astakeriak ikusiaz.


Wikipediarako sarreratxoa:

Youtube bideo digitalak trukatzeko web gune bat da, eta gainera artista berriei beraien trebeziak erakusteko aukera ematen die. 2005eko otsailean sortu zuten hiru lagunek, baina 2006ko urriak geroztik Googlerena izatera pasatu zen. Yotubek Adobe Flash erreproduktoreaz baliatzen da bere edukia azaltzeko. Betan pelikulen zatiak, bideo musikalak, etxeko bideoak... aurkitu ditzakegu, eta gainera, bideoen loturak blog-etan eta web orrialde pertsonaletan erabili ditzake bertan ere hauek ikusi ahal izateko.


4.- CineTube-ren web gunea (http://www.cinetube.es/)

Web gune hau asko erabltzen dudan beste bat da. Bertan pelikulak, serieak etab. Ikusi ditzakezu zure ordenagailura jeitsi gabe eta momentuan bertan, karga denbora luzeak itsaron gabe. Benetan orrialde bikaina zinea gustuko baduzu.

Wikipediarako sarreratxoa:

CineTube telebista on- line ikusteko beste modu bat da, Betan pelikulak, dokumentalak, kirorak etab. ikus ditzakezu. Gainera edukia kategoriatan eta alfabetikoki ordenatuta dago, bera erraz maneia daiteke. Serie bat edo pelikula bat ikusten gaudenean, gainera, hau deskargatzeko lotura bat azaltzen da.


5.-EITB-ren web orrialdea (http://www.eitb.com/)

Euskal Irrati Telebistaren web gunea da hau. Telebista orrialdeetatik gehien erabiltzen dudana da. Normalean ikusi ezin izan ditudan telesaien zati batzuk ikusteko erabiltzen dut gehienbat, Vaya Semanita-renak esaterako.

Wikipediarako sarreratxoa:

EITB (Euskal Irrati Telebista) Eusko Jaurlaritzak 1982an sortu zuen telebista eta irratia da, euskararen normalizazioa helburu duelarik. Kate hau da Euskal Herriko irrati eta telebista publikoaren ardurapean dagoena. 2007rarte Iurretan kokatuta egon da bere sede nagusia, baina orain Bilbon dago. 5 telebista kate ditu guztira (ETB1, ETB2, ETB3, Canal Vasco, ETB SAT eta Betizu) eta beste 5 irrati emisora ( Radio Euskadi, Euskadi Gaztea, Radio Vitoria, Euskadi Irratia eta EITB Irratia). Gainera EITB.net, EITB24.com eta EITB.com webguneetan informazioa eskuratu dezakegu edozein momentutan.


6.- GOITB-ren web orrialdea (http://www.goiena.com/goitb)

Goiena telebista azken urteotako iraultza teknologikoaren fruituetako bat da. Telebista kate honen web gunea sarritan erabiltzen dut, Debagoieneko telebista delako eta bertan transmititzen diren albistegiak eta programak nire herrikoak edo inguru gertukoak izaten direlako. Aipatzekoa Musikantoi programa, musikaren inguruko programa, non erreportai interesgarri eta onak emititzen dituzten.

Wikipediarako sarreratxoa:

Goiena telebista 2000.urteko maiatzean hasi zen transmititzen, Arrasate Telebista eta Atxabalta Telebistaren baliabideak aprobetxatuz. Telebista hau Debagoineko bailarako bederatzi herrietan zabaltzen da ( Arrasate, Bergara, Oñati, Eskoriatza, Aretxabaleta, Aramaio, Antzuola, Elgeta eta Leintz Gatzaga) eta azken urteetan zabalkuntza handia izan du. Euskara hutsez egindako programazioa eskaintzen du Goiena Telebistak. Gaur egun, 14 ordu ekoizten ditu, ordu kopururik handiena, informazio generoari eskainitakoa delarik: Berriak, Alkatearekin zuzenean, erreportaiak... Hauetaz gain kultura eta entretenimendua lantzen dituzten programak ere aurkitzen dira: Danbaka, Kantari, Jaiak... GOITBko programazioa beste toki telebistak egindako produkzioez eta ETBri erositako programazioaz osatzen da. 2007an digitalean emititu ahal izateko lizentzia eskuratu zuen Goiena Telebistak.


7.- Mogulus-en web orrialdea (http://www.mogulus.com/)

Nahiz eta web gune hau izan azkena ezagutu dudana, oso interesgarria, entretenigarria eta erabilgarria iruditu zait. Bakoitzak bere telebista propioa sortzeko aukera zegoenik ez nekien, eta are gutxiago hain erraza izango zenik. Gainera lagun talde batekin egundoko telebista bat sortu dezakezu. Benetan web gune zoragarria.

Wikipediarako sarreratxoa:

Mogulusek zure telebista programa pertsonala sortzen laguntzen dizu, horretarako Youtubeko bideoak eta bakoitzaren bideoak erabiltzeko aukera emanez. Transmisoak zure kabuz edo beste erabiltzaile batzuekin batera egin dezakezu, beti ere zu zarelarik kontrola daramana. Zuzenean emititzen ez duzunerako, sistema automatiko baten bidez zuk nahi dituzun bideoak transmititzen dira. Doako zerbitzu bat da, bertan agertzen den iragarkien bidez mantentzen delarik. Nahi izanez gero publizitatea kendu daiteke, baina orduan kuota bat ordaindu behar da. Edozein prozesagailutan erabili daiteke, eta ez du inolako software edo hardwarerik behar.